Teachers' Kaupapa Māori/Māori-Medium Education Study Award

Tirohanga whānui o te tohu whakaako

• ka utua tō wā whakatā ki te ako ki tētahi tohu paerunga kua whakaaetia tae rawa ki te 2 tau. Ka whai wāhi mai ngā utu ā-tau pūmau me ngā utu tāpui
• ngā tahua pūtea tae rawa ki te NZD$2,000 hei āwhina i ngā utu o te akoranga, ka utua tika atu ki tō whare mātauranga matua
• i ētahi wā, ka kohaina he pūtea hei utu i tō noho me tō haere, ā, ngā utu whakaneke rānei.

Whakamatuatanga 

• Ko te wāhi ki te whakamatuatanga ka whakawhiwhia e hāngai ana ki te roanga o tō akoranga. Ki te whakamanatia tō tono, mā mātou tonu e whakatau i ngā rā o tō akoranga me tō whare mātauranga matua.  
• Māu tonu e kōrero ki tō tumuaki mēnā ka whai wāhi atu koe ki ngā utu wā poto me ngā utu tāpui i a koe e whakamatua ana.
• Ka utua te tohu whakaako i ngā utu kairīwhi ki tō kura, tō kura kōhungahunga rānei mō te roanga o te whakamatuatanga.

Ngā āwhina mō te haere, te whakaneke

• E mana ai tō tono āwhina mō te haere, te noho, te whakaneke rānei, kia neke atu i te 100km tō haere i tō wāhi mahi ki tō wāhi ako.  
• Mō te akoranga tau ukiuki, ka wātea koe ki te tono tae rawa ki te NZD$2000 mēnā kei te motu kei reira tō kura, te NZD$3500 mēnā kei motu kē koe e ako ana.
• E rua ngā utu harangote mō te haere, te noho me te whakaneke:  
• te tuatahi ā te Poutūterangi, te tuarua ā te Hōngongoi.
• Ki te kore e tutuki i a koe tō tohu whakaako, tērā pea kua mate koe ki te whakahoki mai i ngā pūtea mō te noho, te whakaneke rānei.  

Ki te hiahia koe ki te tono mō te Tohu Whakaako Kaupapa Māori/Kura Arareo Māori, me:

• rēhita koe hei kaiako kōhungahunga, kura tuatahi, kura tuarua rānei
• pūmau tō whai mahi i ngā horopaki rumaki reo Māori me ngā kaupapa reorua i tētahi puna kōhungahunga, puna reo,  ratonga ECE whai raihana, kura kāwana, kura tāuke rānei
• matatau ki te reo Māori
• whai wheako kaiako i ngā horopaki rumahi reo Māori me ngā kaupapa reorua
• ngākau titikaha ki te whakawhanake i ngā pūkenga me ngā mātauranga reo Māori me ngā tikanga Māori
• tono koe ki te whakauru atu ki tētahi o ngā akoranga kua whakaaetia (tirohia ‘Ngā akoranga kua whakaaetia’ kei raro nei)
• taunaki i tō tono kua whakaaetia, kua tautokotia e tō rangatira (tō tumuaki me te poari o te kura, te kaiwhakahaere rānei o te puna kōhungahunga).

Ētahi atu paearu hei whakaaro ake

• Ka tukuna te arotau ki ngā kaiako me ngā tumuaki e mahi ana i ngā horopaki kaupapa Māori taumata 1 (kei te whakamahia te reo Māori i te 81-100 ōrau o te wā) me te taumata 2 (kei te whakamahia te reo Māori i te 51-80 ōrau o te wā
• Mēnā kei te harangotengote tō mahi, ka wātea tonu koe ki te tono mō te tohu whakaako, engari me tutuki i a koe i ngā paearu māraurau. Ka hāngai tō tohu ki tō mahi kaiako tau-ukiuki (FTTE).
• Mēnā kei te tatari mō te whakatau whakamana i tō rēhitatanga, ka wātea koe ki te tono mēnā kua rēhita koe i te Hakihea i mua mai i te tīmatanga o tō akoranga. Tēnā koa, whakapā mai ki te whakamōhio i ngā panonitanga ki tō rēhitatanga i te wā e hiahia ana koe.  
• Mēnā he Kaiako Rauemi: Ako me te Whanonga (RTLB) koe, kei te mahi i te huhua o ngā kura, tēnā pātai atu ki tō tumuaki, tō poari o te kura i tō kura matua rānei ki te tautoko i tō tono.  
• Kāore e whakaaetia kia tono koe ki te tohu whakaako i a koe e whakatūria ana ki te Kāhui Ako (hapori-takawaenga) tūranga Kaiako.  

• Te Whare Wānanga o Waikato – Te Rōpū Tohu Paerua
• Te Wānanga o Raukawa – Poutāhū Whakaakoranga
• Te Wānanga o Raukawa – Tāhuhu Whakaakoranga
• Te Whare Wānanga o Waitaha – Hōaka Pounamu